రోడ్డు ప్రమాదంలో వ్యక్తి మృతి  

నేటి కేసరి సిద్దిపేట ఆగస్టు 25

గజ్వెల్ : లారీ ఢీకొట్టడంతో ద్విచక్ర వాహనంపై వెళ్తున్న వ్యక్తి అక్కడికక్కడే మరణించిన సంఘటన గజ్వేల్ మండలంలోని కొల్గూర్ లో చోటుచేసుకుంది.. వివరాల్లోకి వెళితే మల్లన్న సాగర్ ముంపు గ్రామమైన బాపని బంజరపల్లి చెందిన పర్సు ఐలయ్య తొగుట మండలం  బండారుపల్లిలో స్థిర నివాసం ఏర్పాటు చేసుకుని జీవిస్తున్నాడు ఈ క్రమంలో తన ద్విచక్ర వాహనం మీద బండారుపల్లి కి వస్తుండగా కోల్గూరు వద్ద లారీ వేగంగా ఢీ కొట్టి అతనిపై వెళ్లడంతో అక్కడికక్కడే మరణించాడు. ఉన్న గ్రామం ముంపు గురి కావడంతో బండారుపల్లిలో  స్థిర నివాసం ఏర్పాటు చేసుకొని జీవిస్తున్న ఐలయ్య ఇలా ప్రమాదంలో మరణించడంతో వారి కుటుంబంలో తీరని విషయాలు నెలకొంది అతనికి భార్యతో పాటు ఒక కుమారుడు ఉన్నాడు.

రోడ్డు ప్రమాదంలో వ్యక్తి మృతి

శాంతియుతంగా మిలాద్ ర్యాలీ!
* బైకులు, డీజేలు, సౌండ్ సిస్టమ్‌లకు నో పర్మిషన్
* రెచ్చగొట్టే నినాదాలు చేస్తే వారిదే పూర్తి బాధ్యత: మిలాత్ కమిటీ
* బుధవారం ఉదయం 10:30 గంటలకు ఈద్గా నుంచి ర్యాలీ ప్రారంభం
* ప్రతి ఏడాదీ లాగే నిరుపేద ఆడపిల్లల వివాహాలు
* పోలీసు, మున్సిపల్ అధికారులకు సహకరించాలని ప్రజలకు విజ్ఞప్తి
నేటికేసరి జహీరాబాద్ ఆగస్ట్ 25:
సంగారెడ్డి జిల్లా జహీరాబాద్ పట్టణంలో ఈద్ పండుగను పురస్కరించుకుని ప్రతి సంవత్సరం లాగే ఈసారి కూడా బుధవారం ఉదయం 10:30 గంటలకు భారీ ర్యాలీ నిర్వహించనున్నట్లు జహీరాబాద్ మిలాత్ కమిటీ సభ్యులు తెలిపారు. ఈ ర్యాలీ స్థానిక ఈద్గా నుంచి ప్రారంభమై గడి, సింథం మహల్లా,  మరియు జాతీయ రహదారి మీదుగా సాగి తిరిగి ఈద్గా వద్ద ముగుస్తుందని నిర్వాహకులు వెల్లడించారు.
నిబంధనలు ఉల్లంఘిస్తే ఉపేక్షించేది లేదు..
ఈ ర్యాలీ పూర్తిగా శాంతియుత వాతావరణంలో జరగాలని కమిటీ స్పష్టం చేసింది. ర్యాలీలో బైకులు, డీజేలు, పెద్ద పెద్ద సౌండ్ సిస్టమ్‌లకు ఎట్టి పరిస్థితుల్లోనూ అనుమతి లేదని తేల్చి చెప్పారు. అలాగే ఎలాంటి రెచ్చగొట్టే నినాదాలు చేయడం పూర్తిగా నిషేధమన్నారు. ఎవరైనా ఈ నియమ నిబంధనలను ఉల్లంఘిస్తే దానికి వారే పూర్తి బాధ్యత వహించాల్సి ఉంటుందని, వారిపై తీసుకునే చర్యలకు కమిటీకి ఎలాంటి సంబంధం ఉండదని హెచ్చరించారు. బందోబస్తు విధులు నిర్వర్తించే పోలీసులకు, మున్సిపల్ సిబ్బందికి ప్రతి ఒక్కరూ సహకరించాలని కోరారు. అదేవిధంగా అధికారులంతా ర్యాలీ సాఫీగా సాగేందుకు అవసరమైన సకల సౌకర్యాలు కల్పించాలని విజ్ఞప్తి చేశారు.
పేద యువతుల వివాహాలు..
పండుగను పురస్కరించుకుని ప్రతి సంవత్సరం లాగే ఈ ఏడాది కూడా నిరుపేద ఆడపిల్లల వివాహాలు ఘనంగా జరిపిస్తున్నట్లు మిలాత్ కమిటీ తెలిపింది. ఈ సత్కార్యానికి పట్టణ ప్రజలందరూ తమ వంతు సహాయ సహకారాలు అందించాలని వారు కోరారు.
ప్రవక్త మార్గం - శాంతికి ప్రతీక:
మహమ్మద్ ప్రవక్త జీవితం యావత్ మానవాళికి ఒక గొప్ప సందేశం. ఆయన ఎల్లప్పుడూ శాంతి, సహనం, సోదరభావం మరియు పేదల పట్ల దయను బోధించారు. కక్షలు, ద్వేషాలకు తావులేకుండా అందరూ సమానమే అని చాటిచెప్పారు. ఆయన చూపిన ఆ శాంతియుత మార్గంలో నడుస్తూ, తోటివారికి సహాయం చేస్తూ ఈ పండుగను ఆదర్శవంతంగా, ప్రశాంతంగా జరుపుకుందామని కమిటీ సభ్యులు పిలుపునిచ్చారు.

శాంతియుతంగా మిలాద్ ర్యాలీ!

జేబులో పేలిన పవర్ బ్యాంక్!

​ తరగతి గదిలో ఘోర ప్రమాదం.. బాలుడికి తీవ్ర గాయాలు

​ కొత్తూరు(డి) గ్రామంలో నాలుగో తరగతి విద్యార్థికి తప్పని ముప్పు

​చెత్తకుప్పలో దొరికిన పరికరాన్ని జేబులో పెట్టుకున్న చిన్నారి

​హుటాహుటిన సంగారెడ్డి జిల్లా ఆసుపత్రికి తరలింపు

​నేటికేసరి కోహీర్ ఆగస్ట్ 25

సంగారెడ్డి జిల్లా జహీరాబాద్ నియోజకవర్గ కోహీర్ మండలం కొత్తూరు(డి) గ్రామంలో మంగళవారం దారుణ ఘటన చోటుచేసుకుంది. పాఠశాలకు వెళ్లే దారిలో దొరికిన ఓ పవర్ బ్యాంక్ పేలి, నాలుగో తరగతి చదువుతున్న రాకేష్ అనే బాలుడు తీవ్రంగా గాయపడ్డాడు.
​వివరాల్లోకి వెళితే.. ఉదయం బడికి వెళ్తున్న సమయంలో రాకేష్‌కు దారి పక్కన ఉన్న చెత్తకుప్పలో ఒక పవర్ బ్యాంక్ కనిపించింది. పసివాడు కావడంతో ఆ పరికరాన్ని ఆసక్తిగా గమనించి, దానిని తీసుకుని తన జేబులో పెట్టుకుని పాఠశాలకు వెళ్లాడు. బడికి చేరుకుని తరగతి గదిలో కూర్చున్న కొద్దిసేపటికే.. జేబులో ఉన్న ఆ పవర్ బ్యాంక్ ఒక్కసారిగా భారీ శబ్దంతో పేలిపోయింది.
​ఈ అనూహ్య ఘటనతో తరగతి గదిలోని ఉపాధ్యాయులు, తోటి విద్యార్థులు తీవ్ర దిగ్భ్రాంతికి, భయాందోళనలకు గురయ్యారు. పేలుడు ధాటికి రాకేష్ పొట్ట, తొడ భాగాల్లో తీవ్ర గాయాలయ్యాయి. రక్తమోడుతున్న బాలుడిని చూసి చలించిపోయిన ఉపాధ్యాయులు, పాఠశాల సిబ్బంది వెంటనే స్పందించి.. మెరుగైన వైద్యం కోసం బాలుడిని సంగారెడ్డి జిల్లా కేంద్ర ఆసుపత్రికి తరలించారు.
​ప్రస్తుతం బాలుడికి అత్యవసర విభాగంలో చికిత్స అందిస్తున్నారు. పసివాడికి జరిగిన ఈ ఘోర ప్రమాదం పట్ల గ్రామస్తులు తీవ్ర విచారం వ్యక్తం చేస్తున్నారు. దారిలో దొరికే తెలియని వస్తువులకు పిల్లలు దూరంగా ఉండేలా తల్లిదండ్రులు, ఉపాధ్యాయులు అవగాహన కల్పించాల్సిన అవసరం ఎంతైనా ఉందని పలువురు అభిప్రాయపడుతున్నారు.

జేబులో పేలిన పవర్ బ్యాంక్!

జిల్లా కేంద్రంలో వరుస పెట్టి చలాన్ల మోత 


నేటి కేసరి నాగర్ కర్నూల్ జిల్లా ప్రతినిధి ఆగష్టు 24


నాగర్ కర్నూల్ జిల్లా కేంద్రంలో గత రెండు రోజులనుండి ట్రాఫిక్ పోలీసులు వరుస పెట్టి అన్ని వాహనాలకు చలాన్లు విదిస్తున్నారు. వాహన దారులు నిబంధనలు పాటించకుంటే పోలీసులు ఫోటోలు కొట్టి చలాన్లు వేయాలి. జిల్లా కేంద్రంలో ఒక్కటే ప్రధాన రహదారి ఈ దారిలో  షాప్ లు ప్రభుత్వ కార్యాలయాలు విద్యా సంస్థలు జిల్లా ప్రధాన ప్రభుత్వ ఆసుపత్రి ప్రైవేట్ ఆసుపత్రులు కలవు. వీటిలో పనుల నిమిత్తం ప్రజలు వాహనాలు వేసుకొని వెళ్లి పనులు చూసుకుంటారు. ప్రధాన రహదారి పక్కన ఆపుతున్న వాహనాలను ఫోటోలు కొట్టి ప్రజలను ఇబ్బందులు పెడుతున్నారు. దారిపై వాహనాలను ఆపితే తప్పు కాని దారి కిరువైపులా ప్రక్కన ఆపితే జరిమానాలు తప్పడం లేదు. ట్రాఫిక్ పోలీసులు ప్రజల ఇబ్బందులను దృష్టిలో పెట్టుకుని దారి కూడా విశాలంగా లేదు కనుక సామాన్య ప్రజలపై ఇలాంటి ఆర్ధిక భారం మోపవద్దని ప్రజలు కోరుతున్నారు

జిల్లా కేంద్రంలో వరుస పెట్టి చలాన్ల మోత 

తనిఖీకి వచ్చి, సోషల్ పాఠం చెప్పిన కలెక్టర్!

బల్మూరు జెడ్పీ ఉన్నత పాఠశాలలో ‘సోషల్ టీచర్‌’గా మారిన హేమంత కేశవ్ పాటీల్

నేటికేసరి అచ్చంపేట ప్రతినిధి ఆగస్టు 24

 పాఠశాల తనిఖీకి వచ్చిన జిల్లా కలెక్టర్ హేమంత కేశవ్ పాటీల్ కాసేపు ‘సోషల్ టీచర్‌’గా మారి విద్యార్థులకు పాఠం బోధించారు నాగర్ కర్నూల్ జిల్లా అచ్చంపేట నియోజకవర్గం పరిధిలోని బల్మూరు మండల కేంద్రంలోని జిల్లా పరిషత్ ఉన్నత పాఠశాలను జిల్లా కలెక్టర్ హేమంత కేశవ్ పాటీల్ సోమవారం ఆకస్మికంగా తనిఖీ చేశారు. ఈ సందర్భంగా విద్యార్థులతో మమేకమైన కలెక్టర్ 8వ తరగతి గదిలోకి వెళ్లి సాంఘిక శాస్త్రం పాఠ్యాంశాలపై వారిని ప్రశ్నిస్తూ, స్వయంగా బోర్డుపై అక్షాంశాలు, రేఖాంశాలు, భూమధ్యరేఖను వివరిస్తూ పాఠం చెప్పారు.
పాఠశాలకు ఆకస్మికంగా చేరుకున్న జిల్లా కలెక్టర్ ముందుగా విద్యార్థులు, ఉపాధ్యాయుల హాజరు నమోదును పరిశీలించారు. పాఠశాలలో విద్యార్థుల హాజరు పరిస్థితి, ఉపాధ్యాయుల హాజరు, తరగతుల నిర్వహణ తదితర అంశాలను పరిశీలించారు. విద్యార్థులు క్రమం తప్పకుండా పాఠశాలకు హాజరయ్యేలా చర్యలు తీసుకోవడంతో పాటు, ప్రతి విద్యార్థి విద్యా ప్రగతిపై ఉపాధ్యాయులు ప్రత్యేక శ్రద్ధ వహించాలని, విద్యార్థులకు అందించే మధ్యాహ్న భోజనం మెనూ ప్రకారం రోజువారిగా అందించాలని సూచించారు.
అనంతరం 8వ తరగతి తరగతి గదిని సందర్శించిన కలెక్టర్ విద్యార్థులతో నేరుగా సంభాషించారు. సాంఘిక శాస్త్రం పాఠ్యాంశానికి సంబంధించిన భూమధ్యరేఖ  భారతదేశంలో ఎడారులు ఏర్పడేందుకు కారణాలపై పలు ప్రశ్నలను విద్యార్థులను అడిగి వారి అవగాహన స్థాయిని తెలుసుకున్నారు. విద్యార్థులు చెప్పిన సమాధానాలను ఆసక్తిగా విన్న కలెక్టర్, పాఠ్యాంశాలను ఎంతవరకు అర్థం చేసుకున్నారో స్వయంగా పరిశీలించారు.
అక్షాంశాలు, రేఖాంశాలు అంటే ఏమిటి? భూమధ్యరేఖ ప్రాధాన్యత ఏమ�

తనిఖీకి వచ్చి, సోషల్ పాఠం చెప్పిన కలెక్టర్!

ఉమామహేశ్వర డిజైన్ మార్చాలి

బలవంతపు భూసేకరణ ఆపాలి సి పి ఎం

భూ సదస్సును భగ్నం చేస్తున్న పోలీసులు

అక్రమ అరెస్టులను తీవ్రంగా ఖండించండి సిపిఎం 

అక్రమ అరెస్టులతో ఉద్యమాలు ఆపలేరు

నేటికేసరి అచ్చంపేట ప్రతినిధి ఆగస్టు 24

నాగర్ కర్నూల్ జిల్లా  బల్మూరు మండల కేంద్రంలో సిపిఎం పార్టీ ఆధ్వర్యంలో ఉమామహేశ్వర రిజర్వాయర్లు భూములు కోల్పోతున్న భూ నిర్వాసితులచే అవగాహన కల్పించడం కోసం భూ సదస్సు ఈరోజు నిర్వహిస్తూ ఉంటే పోలీసులు సిపిఎం పార్టీ జిల్లా నాయకులను మండల నాయకులను అక్రమంగా అరెస్టులు చేసి నిర్బంధించడాన్ని సిపిఎం పార్టీ మండల కార్యదర్శి శంకర్ నాయక్  తీవ్రంగా వ్యతిరేకించారు 
సిపిఎం పార్టీ పేదల పక్షాన పోరాటం చేస్తుందని బలవంతపు భూసేకరణ ఆపాలని రిజర్వాయర్ తెగిన చెరువు లేదా రామగిరి భూముల వద్ద నిర్మాణం చేయాలని రైతుల యొక్క అభిప్రాయాలను కూడా ప్రభుత్వము పరిగణనలోకి తీసుకోవాలని కాంగ్రెస్ ప్రభుత్వము ప్రజా పోరాటాలను నిర్బంధంతో ఆపాలనే ప్రయత్నం చేయడం సిగ్గుచేటని వారు అన్నారు. స్థానిక ఎమ్మెల్యే డాక్టర్ వంశీకృష్ణ  గెలవకముందు ఒక మాట గెలిచిన తర్వాత మరో మాట మాట్లాడడం దుర్మార్గమని ఇప్పటికైనా ఎమ్మెల్యే స్పందించి రైతుల గోడూను వినే విధంగా వారితో గ్రామ సదస్సులు నిర్వహించి వారి అభిప్రాయాలను గౌరవించాలని కోరారు.

రోడ్డు ప్రమాదంలో వ్యక్తి మృతి

Related Articles

శాంతియుతంగా మిలాద్ ర్యాలీ!

జేబులో పేలిన పవర్ బ్యాంక్!

జిల్లా కేంద్రంలో వరుస పెట్టి చలాన్ల మోత